زرعت صوبعى جوة الشق
حرفين لكلمة لا
نبتت هزيلة
عدمانة فقلب ليل ضلمه
يمطوحها النسيم
اللى رايح واللى جاى
وكانه مطرقة فوق دماغها
نازل دق
يململها الالم كسرة وانهزام
يغرقها ف طوفان احزان
وانحشار القلب جوه اديق حصار
الليل قافل ببابه
حالف بالف يمين
ليمد ف الليالى الكحلة جدوره
وواخد قرار
لايجيلنا فجر
ولا يطلع علينا نهار
يرمى ملامح وشنا فوق وشنا
مليون عويل بيغشنا
وانت ياقلب الليل لم ف قلبك دق
وعايزني اشق قلب الفضاء ميت شق
لا للنهار اللى هيجى لحدكم
ينشر ملامحي على حبلكم
اللي أتجدل م الزيف
ينشف بنار شمسكم
اللى اتملت تخاريف
انا عقلبى لسه نضيف
وانا قلبى فيا عفيف
زرعت صوابعى شموع
لم تئيد نور
قلب الصبيه البكر ع الدراع مكسور
بينعى ارضه البور الف اهه الم
بيجرجر مشاعرى المدغدغه فيا
وبيبنى صمت السكون
ف الضلمه بينى وبينه الف سور
مطلوب ياموج عدمان تنتفض
وانت ف زنازين الالم معصور
معصوم ياقلبى م الخطايا
ولا انت زيى
كلمة ضلال ف بق الزور
فارس فرحان بنصره
وهو كان مهزوم
الوانى تفرش ع الجدار حنه
ليل الضلال طاحونه وطاحنا
حنيت ايديا ياليل من سوادك
ونسجت بيهم ايامى
ونسيت فوق مضجعى سهادك
حلم العجوز بالصبيه
خدنى ولففنى دروبك ياحياه
ولاحد قلى اعمل ايه وياه
ملقيتش ف الحلق غيرك ياكلمه اااااه
حلم العجوز تجبرى بخاطره
وهو قطر الزمن فوق السكك قطره
وودا قطره للمسيخ
والمسيخ دجال
ومحال مضاع يازمن
يرجع كما يوم كان
مين اللى قالك يا
لم تكتب على جسمى
وتدغدغ مشاعرى
مين اللى قالك
عبر عن اللى انا مخبية
بتكشف فى ضعفى ليه
وتفرنى للناس يقرونى
وانا اللى كنت مدارى نفسى ف سردابى الغويط
وبورى للناس انى فارس
مع انى كنت عبيط
مخلوق بلا رجلين
وبورى للناس انى صقر جارح
مع انى بلا بجناحين
معرفش ايه يا
خلاك تكتبنى
لبانه ف بقى بنات
بقها مابيتقفلش
خلتنى اودام نفسى ليه ماستاهلش