غيّاب غنوا للغياب وخذوني
أمشي وادوّر عن ملامح ل غيّاب
على رصيف غيابهم علقوني
وانا اتلفّت فالدرايش والابواب
اسأل عليهم ليه ما كلموني
كانه جفا.. يا كثر ما فيني عتاب
وشلون شدّوا للغياب ونسوني
مشدود باحلامي ومنهار الاعصاب
وكانه زعل.. باسهر واسامر طعوني
متوحدٍ في غربتي دون الاصحاب
ألملم جراحي واداري ظنوني
والبّس احزاني من احزاني ثياب
واقول للي للغياب تركوني
عمر الزعل ما برّر غياب الاحباب!!
أما ارجعوا.. والا معاكم خذوني
تعبت ادوّر عن ملامح ل غيّاب!