يالعنبو خشم يجي مابه عطاس
حرٍ من ابهامه الى حد هامه
يوم العرب لامت على فعل جساس
انا اعتبره فعله شموخ وشهامه
العزّه العزّه ولا الحر ينداس
ويدس راسه مثل راس النعامه
لامال ابن عمي علي قلت لاباس
اقدر اعديها لعين اليمامه
ان كان هو ذيبٍ ف انا اجيه درباس
لا لاذ بي يلقى الامن والسلامه
وانا بجنبه يوم الارياق يبّاس
الا الزعامه لايدور زعامه
في ذمتي لا وقعت الفاس بالراس
ماعاد لابن امّه عليّه ملامه
عبدالعزيز
بن سحل