صحيت جرح عقب ما كان نايم

صحّيت جرحٍ عقب ما كان نايم

والجرح في صحوتْه يهب المواجع

مشغول بالدّنيا وطيري بحايم

والهمّ يطيّحني وريشي بشايع

ما قول إلّا ليت ضحكي بدايم

ودّي أعيش إنسان يكفي مفاجع

الخنق ما هو حبْل لا كنت لايم

الخنق لا حسّيت انّك بضايع

تتذكّر اللحظات وحبك بهايم

بين الغيوم بين ذيك الشوارع

والناس من حولك بمفطر وصايم

والوجه عادي والحشاْ به خرايع

يا موت طم الهم لا صار قايم

ما جاب لينا غير سود البضايع

تتنكّد من العيش كثر الهزايم

وتحسّ حصنك منكسر ما يمانع

عمْر البكى ما كان يجيب الغنايم

غير البكى الّي كان طيحه بدافع