خلاص

خلاص

ما بقيتش أحلم

ولا عاد في القلب مطرح

لشكوى

وشوق

وغِيرة

وقساوة حد يجرح

كتير حسيت بقسوة.. وسمعت نميمة.. غِيبة

كتير شفت الغرابة

ف قلوب قال ايه حبيبة!

منهم لله يا قلبي

كانوا قاصدين متاعبي

وذنبي.. كل ذنبي..

كدِّبت ما شفت منهم

وخفيت عنك عيوبهم

أستاهل

ما جرى لي

عدت كل المتاعب

وأحزاني وحنيني

وراحت ويّا منهم.. أجمل زهور سنيني

لا اتبقى كتير عشاني

ولا عاد فرح وأماني

وجروحك الكتيرة..

نَسِّيتني اني اشعر أو ادندن الأغاني

قلبي حزنان عشاني