آه يا ليل الأسى مبطي وحيد
والدقايق ف انتظاري غادرة
فج صبح الحلم في عليا تليد
مرقبي وأحلام فكري صادرة
من شفوف الشوق عنيت القصيد
والهجوس بوسط جوفي هادرة
علميني كيف أحبك من جديد
علميني كان جيتي مبادرة
اجمعي كل الغلا شف ورصيد
في خفوقي كانك انتي قادرة
جيتلك كني عبيد ابن الرشيد
وانتي حايل بالغلا يالنادرة
معصم العليا ينادي للبعيد
وان لجم لكروش جات تبادره
اعتقيني من غيابك لو تزيد
الجروح اللي بجالي حادرة
حزنك اللي ساكنن وسط الوريد
من غيابك بينت بوادره
دون وصلك بالهوى ماني سعيد
والدقايق فانتظاري غادرة