عنق الحمالة
حمالة
وعنق الشريط
شريط
لي خلاو اللوالا تسالا
ولي بقى للتوالا
يشيط يشيط
خلاو اللوالا الضمير
مات بالضبر
وبقى الجري والتزعريط
مشات لفهامة وتبعها الصبر
ولا لعمر واقف على خيط
كلها جبدنتر والزكارة بالتخطيط
هذا خبري ومازال يجيك لخبر
وخا يبنيو عليك حيط
راسي يا راسي يا بو لفكار
يا الداير مع الزمان وين ما دار
ايلا غبرتي وما بقى ليك اثار
يجيب الله لي يترحم عليك
كيف حربة وعيشة بيطيط