بالميعاد
من غير معاد
كلام جديد
كلام مُعاد
مش مُهم
المهم
ازاي نلم
إزاي نلملم عرضنا
المعروض بلاش فوق الرصيف
إزاي نلملم دمنا
المسفوك هدر علشان رغيف
إزاي نلملم شملنا
إزاي نرجع حلمنا
وحاجات كتير من عمرنا
ضاعت ومانعرفشي كيف
إزاي نرجع كل ده
والعين مابتشوفشي
إلاخطوه ع المدي
والودن مابتسمع ياصاحبي
غير صدي
والخطوه هشه
والإيدين متردده
وازاي بقينا في
كان
خبر
واحنا اللي كنا المبتدي
ولحد إمتي راح نكون بالشكل ده
ولحد إمتي راح نهون بالشكل ده
ولحد إمتي؟؟؟؟؟؟؟
ولحد إمتي؟؟؟؟؟؟؟؟؟؟