خذني مره . . .
من يدي وارفعني فوق . . .
واصعد معك وكلي شوق . . .
لأبعد كلمة وأدنى همسه وارقى ذوق .. !
خذني فووووق . .
للهتان .. !
عطشان وروحي هتّانه . .
ملهوف وعيني عطشانه . .
لاعلى غيمه واسنا برق . .
للرعد الخافت والحانه . . !
خذني فوووووق . . !
لأعلى همسه . . واطهر لمسه . .
تسحب كل الليل لبكره..
والخوف تخليه بأمسه . . !
تشعل في هالكون شموع . .
وتلقى الفجر وتوصل شمسه . . !
حاول تفهم . . خذني مره . .
للصبح المتخبي نرقى . .
ننسى الماضي ننسى الفرقى . .
نغرق فيه ويغرق فينا . .
ونجرب إحساس الغرقى . . !
ولاّ !
خل كفوفي عنك .!
هات ايدينك ليْ . . اذا انك . .
خايف . . من هذي لتخاف . .
والله ماراح اخلف ظنك !!
هات ايدينك . .
نقرا فوق الغيم اشعار . .
وفوق نشوف الناس صغار . .
ومن رقص اقدامي واقدامك . .
للناس تطيح الامطار . . !
هات ايدينك . .
نطلع تحت او ننزل فوق …
مامن فرق
نطلع غرب ونطلع شرق . .
مافي رحلتنا قواعد
نصعد
بشعورٍ متصاعد
وروحي في روحك مغرومه
ومهما نعلى مانتباعد
التوم الا يلقى تومه
يالله باللهفه نتساعد
وارمي تنهيداتك ..كومه
وماراح ايدينك تتراعد
وايدينك بيدي مضمومه
صوتك حلو بكل مواعد
اي والله مجرم من يومه
بس لسمعي حلمٍ واعد
يشرب بحتك المظلومه
شف هالبارق وانسى الراعد
عندي فهالبارق معلومه
هو نفس اللي بشعر مساعد
مصبوب بكف الديمومه
عوف الخوف . .
و هات يدينك . .
نصعد فوق . .
لليل المظلم ونجومه . . !
ليه العتمه ؟!
لازم ينسى الكون العتمه . .
ونوسع صدره بالنور . .
الظلما هي ساس الكتمه . . !
ونعلم كل واحد حجمه ،،
و قبل تشب الليل اتركني ،،
انزع منّه نجمه نجمه !!
دون شعور ..
و دون غرور ..
وللجنات السبع نسافر ..
ونشوف السبعة بالدور ..
بتباهى عند امي حوا ..
واقول لآدم : ماجور ..
وتغيضين الحور بحسنٍ ماشافوا مثله
بالحور
واسوي اي شي فبالي …
ذنبي بالجنه مغفور ،،!
وما آكل تفاحة وحدة ..
ثنتين آكل دون شعور …!
خذني مره . .
مره وحده . .
حاول تفهم ان الشوق بقلبي صاير ماينطاق ..
ولا بعد ارهاقي ارهاق ..
عادي لو الشوق يهز القلب لحاله لكن
ماهو عادي كلي يبحر ولكلّك . . . يشتاق