ايه ذنبي لما أمنت لك
ايه ذنبي لما ارتاحت لك
ايه ذنبي لما قولت لك
أنا في هواك مغرم كتير
ياللي مليتني بالألم
ياللي سقيتني كاس ندم
ياللي رميتني للعدم
هوه كده يبقى المصير
من حقي اموت وأغير عليك
من حقي أعيش في جفون عنيك
من حقى لما اشتاق اليك
تبادلني انت بشوق كبير
لكن لقيت منك جفا
ونسيت ساعات حب وصفا
وليالي مليانة بدفا
وسقيتني كاس طعمه مرير
لكن ورغم اللي حصل
مهما يطول بيا الأجل
أنا من هواك عندي امل
والقاك مصحيك الضمير