يا زهر ورد الحلى كله
سبحان من صورك سبحانه
يا ورد الزهور وفله
رفيف الجوري وريحانه
نداك مع الفجر بله
يلامس عالي اغصانه
يذوب مع لمستك ظله
وتصبح بالندى ريانه
وسرك اعجز بحله
خزامى العطر ولهانه
سواتك في الورد والله
تزيد في الورد ادمانه
مكمله والكمال لله
صفاتن تجذبك لانسانه
ماخذة من القمر طله
بلونها تزين الوانه
ومع اللين واللطافه شله
وحتى الحسن جيرانه
جمالها وغيرها خله
تظبط للجمال ميزانه
جمر النار على الدله
بريحة الهيل وفنجانه
ومن شاف نور القمر قله
هذي انتي يا فلانه