دقيت انا باب الهوى في منامي
وارسلت برياح اشتياقي لبابه
وصيت في نسمة هبوب الغرامي
بوسي خدوده صَبْحي في طرابه
دقي على عود اشتياقي سلامي
واني على حبه سليت فعذابه
رشي من الجوري بعطر ابتسامي
واطري من الايام في كل شعابه
مري حبيبي والنسايم زحامي
كل النسيم اللي تبي في ركابه
وان هو صحى شوق وجمال وهيامي
لبيه يا زين الصباح بجنابه
كن الهوى لا مانخلق يا مرامي
إلا عشانك واحتسي في شرابه