الليل بيّن وابتدى طاري الشوق
والفاخره.. مابيّنت في حضوره
عن لفحة المشتاق لاصار مخنوق
في ليلةٍ فيها.. الذواري تزوره
غنّا الغريب وبان في داخله عوق
عن مايكنّه في.. خفايا شعوره
وساعة نده تشكلت داخل الموق
برواز وردٍ ياخذ.. الورد.. صوره
وتذيّرت عن طلّة الليل ب فهوق
ليلٍ تباريحه.. نفوسٍ.. غيوره
ورقبت فجرآ ينسج النور ب رفوق
نسايمه صبحٍ.. تنفس عطوره
صبحٍ خذى من وجهها رونق الذوق
وتنفسه.. ورد.. الصباح وطيوره
وتنفسه من يكتب الشعر ب طروق
لا من عزفها.. ينهمر في سطوره
يكتب بها شعرآ نبع داخل عروق
منها غدى صدري مشاتل إزهوره
معشب غلا بالشوق تدلى به عذوق
ومن داخل احساسي تغلغل جذوره
ماعاد ودي اكتب الشعر وأذوق
مرّ الغياب اللي.. حجب لي ظهوره
احسن اغني في خيالي على النوق
اتبع هوى.. نوقي.. على كل دوره
شعر الخيال اللي خذا طاري الشوق
خلاني اسلى مع..نسايم إحضوره