من بسمة ان الظلم يازين ممنوع
إلى دموع الصبح من ليلة الظلم
قريتك؟إستفهام بعيون مفجوع
وضحكت.. ويش آقول..؟ من يجلب العلم
يآآآ وقت لاتشعل على ذنبي شموع
طفّ الكلام.. وافتح الباب للسلم
خلّه صدى للي لفا يدوّر سموع
وخلني مثل من فآق من صدمة الحلم
تعبت اردد للعنا قصة الكوع
وتعبت اراكي بعثرة ضيقه تلم
دام القلم عن كل مجنون مرفوع
خذني الجنووون واترك الزلم للزلم
في فلمه اللي انتج وكان مشروع
انا البطل بس مت في اوّل الفلم
يابسمةٍ قالت ترى الظلم ممنوع
مااااسهّر الدمعه سوا ليلة الظلم