القدم ما ليه رافع
من الشعر الشعبى السودانى إثر منام
من قديم قال المدافع
القدم ما ليه رافع
يا حليل من إنت شافع
ما بريت شوق المواجع
لا بتزور محبوب تسارع
ولا سكنْ خير المواقع
طيبه طيبه ضريحه فارع
الرسول اللينا شافع
تلقى فى الكعبه المنافع
وتقضى دين واجب وواقعشوف القدم ما ليه رافع
لا تنوم مرتاح ووادع
وترضى بى سيل المدامع
بل عليك تسعى وتدافع
لا يجب تبقالنا خانع
شدى حيلك وربى سامع
وربى معطى وربى مانع
اطرد الخوف ليك خانع
وخلى شوقك يبقى دافع
السعيد من كان يصارع
والتعيس فى خوفو قابعشوف القدم ما ليه رافع
يا كريم راجيك ضارع
باكى طرفى حزين ودامع
قلبى بى أشواقو والع
راضى بى حكمك وطايع
ليك ساجد ليك راكع
خايف الموت باقى وازع
ديمه نحو الخير مسارع
تملا قلبى إليك نوازع
شوقى لى يثرب منازع
عَلِى أوصل وابقى بارعشوف القدم ما ليه رافع
مانى كداب لا مخادع
لا بخيل ولانى صايع
بسى حظى قليل وضايع
يا كريم راجيك وواقع
لو أحج واصلح طبايع
لو أزور سيدى وأبايع
محمد الخير عنى دافع
قول حسن ما عنده مانع
يترك النوم والمراتع
بى زيارتك يبقى قانعشوف القدم ما ليه رافع