يا سراجٍ لا انطفت شمس الضحى ما هو يذوب
يا ختام السالفة يا أول فصول الأمنيات
مرّني مثل النسيم اللي يمرّ بكل صوب
واغسل جروحٍ غدت في غيبتك مثل الرفات
أنت وجهٍ ما تملّه عين لو كلك عيوب
كيف والمولى عطاك الزين مع عذب الصفات؟
لا تزيدِ جروحي جروحٍ وانا كلي ندوب
ما ورا كثر التغلّي غير لوعات وآهات
ولا تخلّيني رهين الشكّ والظنّ الكذوب
وداوي بلمسة حنانك روح من هجرك شتات
ودي اقراني بعيونك واستفز صمت القلوب
دام حبك في الحنايا حيّ واللي فات مات
ما هقيت إن الغلا يربك مسارات الهبوب
لين شفتك في عروقي نبض وأنفاس وحياة
استلذّك ذنب صادق والوعد شمسٍ تذوب
في غديرٍ من وصالك يروي جفاف الشفات
أقبلي يا كل كلي من شمال ومن جنوب
طهر غيمٍ يغسل جروح الليالي الماضيات
لا تلوم اللي رمى في بحر الأشواق الذنوب
من يشوفك يسكنه صمت وتخونه المفردات
يَا بَعَدْ عُمْرٍ مِضَى لِي فِي مِتَاهَاتِ الدْرُوبْ
إلتفت للمغرم اللي في هواك أعلن ثبات
مستعدّ أدفع سنيني في رجا وصلك وأتوب
عن ملامات العواذل يا عساهم للشتات
إرتوى عشب المحاني وانجلى عني الشحوب
يوم صرت ب ناظري كل المنى والمقبلات
يا سراجٍ في عتيم العمر ما يعرف غروب
يا ضفافٍ من أمانٍ ترسم لعمري نجاة
لو تجافينا الثواني ومن كروب ليا كروب
أنت ركني واليقين اللي يشدّ الأمنيات
لو عرفتي شكثر احبك والله يالريم اللعوب
كل ما شافت عيونك زولي اقمتي الصلاة