قبل ما يسافر هواي
وعد الأمل كان مرتجاي
رحلت نجومك من سماي
في لحظة ركّت في دماي
و إنت آخر نهر جاي
من ينابيعك صفاي
في مصبك منتهاي
سدرة يانعة
و شمس طالعة
تغذِّي من زادك خطاي
و إنت عارف
إني غيرك قلبي نازف
ما في زول غيرك بخالف
يمسك القمرة و يجازف
بي حنين عمرو الموالف
كل واحد ببقى خايف
من زمن تيارو جارف
من أماني
و من أغاني
و من حريق نار الشفايف
سيبنا في الدنيا العجيبة
لو بتقدر إنت جيبها
فرحة مطرودة و غريبة
و زهرة عطشانة و كئيبة
سارحة في الذكرى الرهيبة
زي حبيبة
فاقدة في حسك طبيبها
فاقدة دونك
ضي عيونك
و لحظة ما بتقدر تسيبها.