يا صقر خانت فطنتك حكمة الطيش
لا ذي مطاليعك ولا ذي فنونك
من كم سنه يا طير ما تكفخ الريش
أجي واشوفك تايه ٍ في ظنونك
قمت اتّدروش واقنصوك الدراويش
لين اعتَلَت بيض الحمايم متونك
ان كان علمك ما طروه المطاريش
ما تنفعك عِكْف الصوايد ولونك
كم لك من ملاعَب خدود المراهيش
كم للفلا ما سافرت به عيونك
يا طير هالوقفه على ويش و لويش
ستّل جناحينك وطهّر ردونك
لو هي على الارزاق ومطارَد العيش
وش يفرقك عن باقي الطير دونك