يا هجوسي قبل لا تذري الذواري
وأنت مبحر وابجدياتك جزيلة
فارد شراعك على طول السواري
ورحلتك في مركب أحلامك طويلة
في محيطك تختصر كل المساري
واكدٍ ممشاك ما ضيع دليله
مثل منهو يعبر الموج التجاري
للمحيط اللي وجوده ينثني له
مختصر للبحر الأحمر بك يماري
عابرٍ للبحر الأبيض يستخيله
يوم تطري لك مع الرحلة طواري
توقد الذكرى معك سلك الفتيلة
وصاحبك قلبه من الأشواق عاري
وأنت مثله ما لقى قلبك حصيله
بينك وبينه يحومن الضواري
وما معك حيلة ولا عنده وسيلة
لا تبيعه لو يسومه كل شاري
يوم مثلك ما حصل يلقى مثيله