نفس الشجاع اللي على الفرقى نذر
ماهو بظاهرها مثل مضمونها
يكن في صدره كلام .. ولا هذر؟
اشياء صدره مايعرف يصونها
كنت احسب ان الحب لو ياخذ .. يذر
نسيت ليلى .. ما سلم مجنونها
الزرع تُعرف جينته من البذر
وأهوا القلوب تفيض من مكنونها
كم همت باللي دمعها من العين ذر
تبي اكون اشياء صعب اكونها
قفت ولمع عيونها مثل الشذر
وسالت مدامعها بقفر جفونها
كنها تحايلني وانا كلي حذر
نفسي م ترخي للكلام متونها
انا خصيم القلب كان انه عذر
ماني ب عاذر لو تجف عيونها