مر طاري الشعر والمسرا على توقيته
والحروف بصدر راعيها كلامٍ دامي
كيف امر الشعر ماكني خذيت ببيته
قسمي اللي فارقٍ بإسمي عن الاسامي
وكيف امر الليل واسري به بليا ليته
والدروب امست على العاشق ظلامٍ ظامي
وكيف امر ب بالك بسرعة ليا مريته
وانت طيفك ما يفارق صحوتي واحلامي
كل دربٍ ساقني لرْضا عيونك جيته
وكل عينٍ جيت لك منها بدمعٍ حامي
كل نبضٍ ينبضه قلبي معك ضميته
وانت كلمة منك تنزع ضحكتي وانسامي