قبل تبعد وتسلب عبرتي بخطاك
وترمي لهفتي في ظلمة اهدابك
عرفت ان الكلام اللي علق في فاك
شعور احس به من قبل ينتابك
ابي منك جواب يبلل من شفاك
سؤالٍ جفف الاغصان بترابك
تعال وفتّح دروب العتاب وهاك
تهايم تلبسك من لبسك ثيابك
شعور انك بتكسب رحمتي ب بكاك
قليل انه يكبر قيمة عتابك
وش اللي سهّل جروحي على شلفاك
وانا اللي كنت اعيش الموت واحيابك
وش اللي يومك تغني على ليلاك
دهاك وشلتني في حزمة غيابك
ترى اللي يوم كنت بحاجتك وداك
هو اللي يوم همت بغيبتك جابك