من يطلب المدح كنّه يطلب الذمّة
هذا الكلام الصحيح وفيه براهانه
المدح ماهو لمن يسعى ورى النمّة
ولا لمن للمنافق يرخي اذانه
المدح للي يقف دايم على القمّه
فعله ومجده يسويها بذرعانه
المدح للى بدلوه ياصل الجمّه
كريم ويعز زواره وضيفانه
المدح للي يسد السمع ويصمّه
عن كل واشي خبيث النفس مرضانه
المدح للي ما يرضى في ولد عمّه
يسخى بروحه في الضيقة على شانه
المدح ما يقبل المخذول والرمّة
الفسل يبقى على زوره وبهتانه