تشابة أسماء
فارد طولى
وسط عيالى
لامؤاخذة ف الكلمة مجضّع
من يوم ماطلعت معاش
وانا لازم بعد الاكل اكوّع
لما خلاص تمبلت
وانا قاعد قدام الدش
علشان اتفرج ع الماتش
جانى صوت داخل م الشباك
... يتلكّع
توفى فلان
حاولت ادقق معرفتش مين
التلفزيون كان اصلا عالى
وبرضة العيال قاعدين
ماسالتش واديتها طناش
شوية ورجع الصوت من تانى
بس برضة طشاش
مااهتمتش
ودخلت ف تفاصيل الماتش
لكن فجاة رن موبايلى
ولقيت كل الشارع جايلى
اتارية تشابة ف الاسماء