بنشد العراف في كل الديار من القبايل
ويش بنت(ن) ما يتغانا الرجل عنها في حياته
اسمها متميز(ن) وأسلوبها أسلوب الأصايل
من فقدها في حياته ماتهنا بأمنياته
حبها عند المشايخ ما يبدل بالبدايل
وكل رجال(ن) عريب دونها يشهر عصاته
من عرفها قسمه من البيض يبنى في الطوايل
ومن جهلها ينشد الشيبان دام الحل فاته
مرحبا يالشاعر اللى ينتقي خير المثايل
عد من ينظم قصيد وعدّ ما يروي رواته
ابن صالح لاسمري مجبول في نظم الجزايل
والجزالة والقصيد الجزل يحسب من صفاته
حل لغزه ينعرف للى يعدون الفعايل
هذي الرفقة وخذ علمٍ مؤكد من ثقاته
والصلاة على الرسول عداد همال المخايل
وعدمن يقرأ كتاب الله ومن صلى صلاته