الله يديرها ليها نظرة
دارتها فيا وكوات قلبي كية
وشكون داها فيا ياحسرة
غير هزت عينيها وشافت فيا
قالت لي كلام فصيح
بعد من لبلا لا يبليك
يا بنادم سواك الريح
بعد لا يزلغو رجليك
البسمة ساكنة هادوك لعيون
ويطيحو الواحد على طولو
فيهوم الدفا وفيهوم لمحون
فيهوم الياقوت والجوهر وللولو
فيهوم لوحات واشعار وفنون
فيهوم عذاب الليل بطولو
سلمت ليهوم وقلت رضيت
ايلا قتلوني ما عندي دية
حنيت عيني وراسي ومشيت
وقلت يقدني لي ساكن فيا