تمنيتك شجن يسري على أنغام بسماتي
وما فكرت إن الوقت يسرق مني ألأفراح
أنا إن قلت ما احبك، فضحني كسر نظراتي
وهلت دمعتي ترسم ملامح طفل فيني صاح
عطيتك من أحاسيسي منازل تحتوي ذاتي
ومن راقي القصيد اوزان باقي عطرها فواح
وهبتك من ربيع العمر أجمل عطر زهراتي
وكنتي في حياتي وهج يمسح مني الأتراح
تمنيتك تكوني لي وقلبك في محطاتي
تمنيت الفرح صوبك يمَشِّيني عشان ارتاح
وفي آخر قصيدي لك دعوة بين وقفاتي
عسى ربي يديم السعد في قلبك وما ينزاح