وش اللي يجبرعزة النفس تنداس

وش اللي يَجبر،عِزة النَفس، تِنداس

ويِغرب الإحساس،عَن كِلِ نَاسه

شَيٍ وسموه الهوى،ماله أي،سَاس

هَم وغَرابيلٍ توطي،بِراسه

حَتى الكَرامه،مالها وضعمقياس

ما همه، ايذل، المعاني مَداسه

أفعى، جَسدها مِن حَبايل، وأجراس

تِندس في اقلوب الورى، وبسلاسه

نِشرب تِعاويذٍ بِها،تقولب الراس

واتميل الأفكار، مع كِل كَاسه

نِهذي،نِتمتم،نِمتلي ابعض هوجاس

وانعيش في احلومٍ وفرح ووناسه

خَي العَنا،مِن يومه العرقدساس

ما رام يِعطي،فينا زادا إختلاسه

ينهر حُروفي،بينِ حبرٍ، وقرطاس

شرٍ ويبغي،فينا يزرع، غراسه

ياهوه، وش صابكم؟ يا مشعر الناس

حتى غديتُم،بيتِ مايل أساسه

مَا يفرق ابعينكم،فضة من ألماس

والصدق في نَهجكم يِحرم،مِساسه