مولاي .. لوّ آقول بإني تركتك؟
تأكد انك وييين مارحت وياي
وتأكد إني لو نطقت ب: كرهتك؟
معناي أحبك وأنت تدري بمعناي
ولو فعلاً اني ببتعد .. ماذكرتك!
ولا نطقت اسمك بصمتي ودعواي
ولا تحديت الظروف ووصلتك
وجعلت منك شخص يستاهل عْناي
ولا كتبتك ف الليال وسهرتك
ومحيت حرفٍ فيك مايشبع رضاي
ولا عن عيون الاوآدم سترتك
حتّى لو آن الدمع يستعذب بكاي
لذلك .. اشوفك ليا من ذرفتك
وأشوفك احبابي وأشوفك من عداي
بالمختصر بالمختصر ماهجرتك
أشوفك بكل التفاصيل جوّاي
وفوق الجنون اللي تعرفه حقدتك
ولازلت آحبك فعلاً بكامل قواي
ولو بيدي اقتل شخص يمكن قتلتك
ولو بيدي آحيي قلب ب آحييني اياي
مولاي آنا في كل حاجه عذرتك
الا الحياه اللي بلاك أنت مولاي
واللي فهمته من بعد ماعرفتك؟!
مانيب آنا .. لولاك ولا آنت لولاي