أنا ماعدت أعرف أشكي وأنهار
لاضاق صدري قلت يالله عسايه
في كل ضيقة ينفتح للفرج دار
وتقرب مسافات الفرح ياغلايه
تعال ندفن للسواليف اسرار
تعال نذكر للمحبه حكايه
تعال لاتبعد ترا ناظري صار
كئيب شاحب في عيون المرايه
حنا خُلقنا شيء من ضمن الاقدار
نبي نعيش!! ومامعانا كفايه
يكفيك مني دعوتينٍ بالاسحار
وأنا.. يكفيني وجودك معايه
في كل مرة تقترب مني أحتار
أشوفك أبعد من مواري سمايه
يالي فراقك نار ومواصلك نار
ذنبي عشقتك وأنت أكبر خطايه
إذا انت طحت وطيحتك طيحة كبار
وتشمتوا بك.. ناقلين الروايه
أنا بعد مثلك ترا صار ماصار
فيك أضحكوا مني جميع الصبايا