تناديك رغبة المقابيل من الأرض وانت بالمجرة
تهادي على غصن من الليل وتمادي على القلب ومقره
ترى كل ها الدنيا تساهيل ما دام اننا بنعيش مرة
تلدين وتزين التعاليل تصدين وتصد المسرة
وأناديك ودموعي هماليل وفي الصدر تنهيدة وحرة
احبك وما للحب تأويل ولا شفت منك إلا المضرة
وأناديك ودموعي هماليل وفي الصدر تنهيدة وحرة
أحبك وما للحب تأويل ولا شفت منك الا المضرة
تناديك رغبة المقابيل من الأرض وانت بالمجرة
تهادي على غصن من الليل وتمادي على القلب ومقره
وتمونين يا ريم المكاحيل على القلب في خيره وشره
إذا جيتي استاهلك بالحيل وإذا كان ما تبغين حرة
فديت الوسيعات المظاليل رماح الهلاك المستشرة
وخطواتك اللي بالخلاخيل لها في الصدر والقلب جرة
وسواليفك بكل التفاصيل وصوتك بها لله درة
أبي منك ما ينهد لي حيل على شي ما يسوى المبرة
وسواليفك بكل التفاصيل وصوتك بها لله درة
أبي منك ما ينهد لي حيل على شي ما يسوى المبرة
تناديك رغبة المقابيل من الأرض وانت بالمجرة
تهادي على غصن من الليل وتمادي على القلب ومقره
وأبي صادقات التهاليل إذا جيت ابشكي واتشره
من الحظ وأشباه الرجاجيل وعثرات وقتي المستمرة
وطموحاتي الغر المحاجيل وخذلانها مع كل كرة
اعذل المسا ويطيح قنديل وأهز الجفن وتطيح قرة
وأناديك ودموعي هماليل وفي الصدر تنهيده وحره
احبك وما للحب تأويل ولا شفت منك إلا المضرة
وأناديك ودموعي هماليل وفي الصدر تنهيدة وحره
احبك وما للحب تأويل ولا شفت منك إلا المضرة
تناديك رغبة المقابيل من الأرض وانت بالمجرة
تهادي على غصن من الليل وتمادي على القلب ومقره