١انتقي معنى القصيد بفن وامشي سيده
لايسار ولا يمين الا على قدامي
١وانا عمّ الشعر انا جده وابوه وسيده
لابغيته جاء عجل ويقبل الاقدامي
٢سلام بعداد السلم والشوحط
والسدر والظهيان والسيال
٢مافيه وقرن مثل وقر الشوحط
عساه من نو العشي سيال
٣ياللى تبا المريخ ولا عطارد
ترى الفضاء ياصاحبي مانت حوله
٣والشاعر اذا جاب بدع عطا رد
الناس تسمع منطقه وانتحوله
٤العالم الله والبشر ما يعلمون
الغيب لله وحده اللى يعلمه
٤سلام يامن فالمواقف يعلمون
اذا مشى كلن بسيفه وعلمه
٥بيتين شعر من الشعور اعدها
كتبت فيها القافيه بالرا وغين
٥كمن قبور ماقدرت اعدها
لقيتها باعلى هده والراوغين
٦اسمي حسن ح وس ون مكتوبه
ثلاثة احرف هجائيه وابي عامر
٦والعبد مهما حرص ياجيه مكتوبه
لو كان في وسط قصر شاهق عامر
٧ الراجحي لوكنت مالك مصرفه
اعطيت للمحتاج موتر مع سكن
٧الصيد ريته راس لوة مصرفه
لكن من خوفه تحرك ماسكن
اللى يعاندني بشعري بردعه
واللى يمر الصبح قيل الصبح مار
بعض البشر يصلح يشيل البردعه
الناس تفهمها وهو مثل ...!