غبيته عني نفتني في جزيرة
لا بها مأوى ولا زادً وما
وحالتي من عقب ما راحت خطيره
مثل من ضيع دليله ربما
لا ظهر لي نجم في وقت الظهيرة
ولا تبين لي بليلي معلما
ومن سألني وين قضيت المسيرة
قلت معرف قلت مدري معلما
ساقني تيار جفواها لديره
بموجةً في بحر موحش مظلما
آه يا رب عبدك من يجيره
أرفق بقلبه تعذب و أرحما
منهو غيرك يا لرؤف أنا أستجيره
وأشتكي له لا بدت لي مظلما
وأنا وليّتك كبير أمري وصغيره
وقلبي في دنياك لغيرك ما أنتمى
ما تمنن وأنت أعلم بالسريرة
وكل ما أخفيه أنت به أعلما
لا بيزيدك قل شكري أو كثيره
وأنت ملكك غطى الأرض والسماء
ولا بيضرك صغر ذنبي والكبيرة
إن كفرت أو عبدتك مثلما
لا كفر قوماً بدلته بغيره
يعبدونك في الصباح وبالغمى
منت عاجز يا للي وحدك يستخيره
كل مخلوقً في أمراً رمى
عبدك النيب جهل وش هو مصيره
لن قلبه بالمحبة أرغما
ساق قلبه عينه اللي مستديره
وصاب قلبه قبل عينه العمى
ومن تغيب صاحب النظرة المثيرة
تنزل الدمعة من عينه دما
غصب عنه صار له نفسن كسيره
هذا حاله ومن تولع واغرما
ربي أرحم منهو مثلي ذا مصيره
ومنهو صلى لك ولبى وأسلما