أبحرت في بحر الهوى ولقيت سناره
حاولت أسلي هاجسي والنفس مغبونه
تاهت سما حبي تبعثر مجمع أفكاره
فكره أدورها وفكره هبت احنونه
سطرت في بحر الهوى احروف مدراره
تشكي ألم لفْراق بالأحزان مسكونه
أشكي الهوى وأقصد بها استمعي يا جاره
عانيت أنا والشعر فاض ابكل مكنونه
بحرك غرق في موجته من ذاق اسراره
يوهب لك أنفاسه عطيّه وانت بشجونه
صاير لها تامر وتنهي مثل عبّاره
يلعب بها قبطانها بافكار ملعونه
ظنيت خيرن في الهوى ورفعت استاره
والحين قلبي عايفك خيبت اظنونه
آنا بداري خافقن للقلب وأشعاره
أبكى وصادف ان حبري يبكي اسنونه
ياهل الهوى حذرتكم اقضوا على ناره
هذا الهوى ما فادنا شيّن بمضمونه