مات الحيا والمرجله دمها ساح
شي حصل ذابحني وانا اشوف
عقب مادون الشرف سيف ورماح
صار الشرف عند المخاليق معيوف
صارن بنات اليوم رخيصات ياصاح
صيد سهل لكل عابث وملقوف
ياكيف رجل ينام الليل مرتاح
وان جا وصد غاب باشجاره صروف
ولبس العمل ياخوك فاتن وذباح
لثام وبالطو ومشكل حروف
وتضحك مع فلان لاصار مزاح
وبحجة التمريض يلوفها لوف
وهذا تمسمس له وهذا لها صاح
وهذا تعرفه عشير الصاحبه نوف
وانا يغبن قلبي قليلين الارباح
الي يبيع النفس من شان مصروف
ان كان يمناي ماهي لعيشتي سلاح
ومقدر ستر انثاي من نزوة الشوف
ولاصرت مابني البيت لاطاح
الموت ولاعيشتي كلها حسوف
شي انا شفته ولباب مفتاح
ومافي دخان بلا نار وضيوف