يوم السبت اللي صار ما صار
ياما اقشر الفجعات عقب الوناسه
قالوا توفا اميركم حر الاحرار
ابن عبدالعزيزاللي بعيدن مراسه
نايف اليا ركبو على قب الامها ر
كم ارهابي بالسيف طش راسه
خيال شقحن ربعت عشب الاقفار
ترعا خضاره ثم ترعا يباسه
فكاكها من كل غاصب وغدار
من هيبته ترعا بليا حراسه
دايم على صوب العدا يشعل النار
والقفر لو هو بين الاجناب داسه
واليا غزاهم غارين يطلب الثار
من حر مايونس بقلبه نحاسه
في ربع ساعه بدل الدار بديار
من ظربهم باع الطمع بالفلاسه
راع الاملح يوم سوالدخن ثار
تجنبوه عداه من قو باسه
واليا انتخا بصعيب وصعيب جبار
ياويلكم ياراكبين الفراسه
هذي عوايد اميرنا مابه انكار
شجاعته ماهي شهاده دراسه
والعود عقب له حرارن بالاوكار
فيهم على ضرب المعادي حماسه
تراحيب جعله من طويلين الاعمار
سمي خاله مانقص عن قياسه
وادعو معي ياأجواد يانسل الابرار
في جاه من شيد على الكون ساسه
يالله عساه لجنه الخلد زوار
في جنه الفردوس يضفي لباسه