أعلق يمين وأعلق شمال
والقا حياتي كلها رحلة جدال
غربة وسجال وليالي طوال
أحكي مقال وانسى مقال
ومن يوم يومي وحالي حال
وتجي من جروحي الثقال
وتطرح سؤال ؟
أن كان تفكيري حرام وإلا حلال ؟
أن كنت غير كل النساء ؟
والا أنا اعيش في وهم وخيال ؟
والحب عندي احتلال ؟!
ما ينقسم لاثنين في عرفي محال !؟
تطرح سؤال...؟
أن كان أبسط حل عندي الانفصال ...؟
واتوه في عمق الجواب
بعيد عن أي انفعال
يا سيدي
أنته حلال وأنا حلال
اللي يحب واللي كره
وضعه حلال
واللي يبي يوصل بحبه للكمال
فعله حلال
واللي يعاف وينزوي وقلبه
على الحب استحال
وضعة حلال
يا سيدي
أنا بعد يخطر على بالي سؤال ؟؟
من فينا ما وده يعيش مرتاح بال ؟!
ويبعد عن اللي يجرحه
لو هو حلال !
عن دنيا مسمومة بسم الاحتيال !
وعن عالمٌ يملى حياته بالظلال !
وارجوك لا تضرب مثال
كل البشر تولد بطاقة احتمال !
ويكفيني منك جرح فقدان الثقة
يا بن الحلال