من بادي الشعر هذا حلم الاقلام ِ
تظما لك ارياق شعري لين تسقيها
اغلى الأماني وغاية غاية أحلامي
اني افزز طيوره حول راعيها
الشعر الى فاز بك ما هو بمنضام ِ
يا شوق الابيات لا شافتْك قاريها
لو ناقد الشعر يرقب نزفه الدامي
ما ضمد اجراحه و حقق امانيها
افنى لياليه واشغل معه الاخصام ِ
يترصد اسراره ويتبع خطاويها
واليوم والشعر يرقب ذوقك السامي
كن ّ القصايد تذوّق نظرتك فيها
يا قبلة الفكر ، مصدر بوح الالهام ِ
يا واهب الشعر قيمتْه ومعانيها
لك تنحني هامته وتبوس الاقدام ِ
يا اعياد ميلاده و نشوة اغانيها