كان يحبك وهو اكثر من عذر ظروفك
علّ السحابه تسقينا جميل الهطول ..
هذا الصباح شلون ابرر له كسوفك ؟
غرتني شمسك وخذلتني اربع فصول ..
هذا ظلام الصمت حجب لي حروفك
وهذي نظرة اللامبالاة وشعورٍ كسول ..
الغريب انك أمامي لكني ما اشوفك !
" وما كل درب انخلق يعني الوصول "
انا مستاء .. لملمني بين دفى كفوفك
الشعور اثمن من فقدان الحصول ..
هذا انكساري وهذي عينٍ تحوفك
استصعاب الكلام يعني الحال بيطول ..
وشعور صمتٍ ثقيل غلب على خوفك
انا اكثر من فهم من صمتك ما يقول ..
ايه طحت بعد ما كنت سبب وقوفك
كنت احبك بالقيم واحبك بالأصول ..
اخذت من الجمال كل مافي شغوفك
وهذا الشغوف أعلنّ جماله الذبول ..