يمكن أنا مديت ظلي بقربك
أكثر من اللي مثل ظلي يطوله
وأدري أنا ما لي مكانٍ بقلبك
شفت الحقيقة في العيون الخجولة
لكنّ عندي لك كلامٍ وربك
ما كان ودي في وداعك أقوله
أنا أحبك، والله أني أحبك
بعض المشاعر ما تقال بسهولة
لا تخاف أبد، ما راح أوقف بدربك
كثر العتب ما هي صفة للرجولة
كنت آتمنى دنيتي تكتمل بك
العمر يمضي والليالي عجولة
بس الظروف أقوى ولا الذنب ذنبك
ما كلّ حلمٍ بالتمني ننوله
ليت الزمن غير الزمن يوم أحبك
كان انتصر حبي وعشتك بطولة