أيقنت فيك

أيقنت فيك

أيقنت بوجودك .. وجودك

لين حبيتك على قدر اليقين

احذري

لو يوم يرتابك شعور البعد

وتظني بقلبي

واتهقين ..

ضيعيني ..

بين فوضى شعرك الناعم وبيني ..

وانزعي حرفي من الصمت / التوتر

واعتقيني ..

طيري هذي الشكوك اسرااااااب

غيري هذا المدى الكذاب ..

لين الاقي في هدب عينك

" يقيني "

ما علي ان كان ودتك الاغاني

لين مليتي وضايقني شعورك

ما بعيشك لو زعلت انسان ثاني

ساحلي رمشك وهذا الحب سورك

ودي اشعر من غلاك اني أناني

واشعر اني عشت معجب في غرورك

واحترق لرضاك في برد الثواني

ب انتظارٍ ما يجيب الا حضورك

الحضور اللي من الياس احتواني

والمكان اللي تعطّر من حبورك

يوم جيتي بين اصابعك المعاني

معشبة، والنحل يشرق في زهورك

قلتي : وينك ؟ قلت عند اللي خذاني

قلتي : منوّر ، وقلت : النور نورك

وقلتي احلف لي .. معك ما عاد اعاني

والا احلف وشو انا في شعورك

وقلت : واللي نزّل السبع المثاني

الكريم اللي خلق للقلب شورك

انك اجمل شي عشته في زماني

وانك اجمل حزن شفته في سرورك

وعشت فيك اكثر

وصرت معك اوفى

ولا قدرت اسهر

ولا قدرت اغفى

اضحكي وازهر

افرحي واشفى

وانفي المهجر

واهجر المنفى

والسما تمطر

والرعد يقفى

والغلا يكبر

والزمن يصفى