صباحو.. شهد
الحلم اللي طل
من شذي رُوحَك عَلَيَّا
تو قلبَك ما ابتسم لِي،
والفجر اللي هَلْ
رَقَصْ الدمع ف عِينيَا
فوق خدود الجَرْح فَرْح
دندن الآهات تِغنِي، افتتني
زَيِنْ الضلمة بصبَاح
فيه أماني صابحة ترقص
رَقَصِتْ، حُزن الجراح
شُفت كل الكون فضيلة
شٌفت جُحْرْ الكون، براح
تَوْ شُفتَك
وتَوْ سِمعَك نبض قلبي
اخضر ورقِي
وفَتَحِتْ في خريفي ورد
صباحو شهد
الشعر ف حروفَك لما شافنِي،
حَسْنِي بقلبَك وشُوفَك
حَسْ بحروفي وعُزوفي
قَوَى قلبي، وشَد خوفي
قالي هِلِي
حِبِي دُنيَاك، هِلِي حِبي
ليه تخبِي؟!
وافقي، قولي أشوفه
هيَ عِيشه مَرة واحدة
واحدة هيَّه!
ولحظة ما راح العمر مِنِك،
أبداً ما فيه، ولا لحظة جايه!
ده كأنه جد
صباحو شهد
الشوق، اللي هَادَّى الوجد
أنسَامُه اللي ما لهاش حَد
مع بسمة رضا وصباح
والخَدْ اللي نادَّى الخَدْ
يستهدي الهموم، ترتاح
من جَذْرْ البِحَار والمَدْ
صباحو شهد
الحلم، اللي كان مخنوق
والسعد اللي فَك الطوق
والنسمة ف هدوم العيد
تستدعي الصبا والشوق
نتوَاعْد سوا ف مواعيد
ونعوم ويَّا عُوم الروح
ترتاح الأمال أو تلمس،
النجم اللي سابح فوق
بيعِد الدقايق عَدْ
صباحو شهد
الوِد اللي جافى الوِد
ومْصَقَعْ خُطَاه ما تمِد
يستقبل ضيا جَي يجري
من فرح الفنار بيوِد
يقول للمواني زماني،
مَنَانِي وضَحَك سِنِي
وسقاني الرضا والشهد
صباحو شهد
الفرح اللي هَز الشيش
واستسمح رضا الدرويش
الرَابض، قُصَاد النِسمة
يخْتَصِم الظنون ما تجِيش
وجدار القلق يتهَد!
صباحو شهد.
يغَيَّر حروف الشِيب
بمَشيب لون بياضُه يطِيب
ويزوِد حياتنا شباب
نتنَاسىَّ.. كلام الحَقَدّة
والعقل اللي فيه محَاذِّير
ونجيب مِ الزراعة الغَاب
نشبُكها بحبال وأمال
طيَارة.. ف سمانا تِطِير
ونوَشوِّش أمالنا ف ورقة
نغرسها
ف إزازة ونحدِّف،
تِتْحَوِل آمالنا لجد
صباحو شهد