اهلاً هلا يازين صوتٍ علي رد
واضفى على ردي زين التعابير
قالت الو قلت حيلي ترى انهد
من حلو صوتك صارفيني تفاكير
ياغير افكر في ملامحك وارد
ياكيف انا اقدر في ملامحك تصوير
انا وخيالي ما نوصّف لكم قد
لو بس افكر صادفتني محاذير
احذر تراها بينكم ما لها ند
لو بس من يده خذينا اظافير
يا نورها ياصل الى اخر الحد
هذا لو ان الحد عنده معايير
وسع الفضا وسع المجرة لها حد
وانته خيالك بس لوح وطباشير
هذي...اليا بدت غيرها عد
وهلت على وجهه جميع التباشير
لحظة ذهول ايعيشها ما لها بد
ما كنه الا فوق راسه عصافير
ما يحترك مثل الصنم لابدٍ لبد
ذي طاغية في حسنها بالقوارير
هذي بعضها في بعض كله ود
مزج الجمال ومزج كل الغنادير