قلبي مِنْ الهجران والشَّوْق
ذايب وغادي مِ الوزا ويج
ما بِيْ وزا يا «سيف» مِنْ عوق
أبداً ولا حِمِّلت ما طيج
لكن بِيْ مِنْ حب غرنوق
أدعج غنج مرض التباريج
يا ليت باحظى بِهْ وبآذوق
مِنْ سلسبيل شْفاه تمزيج
عسى ولعلّ الحظ موثوق
وِايّيبه الله بالتوافيج
بعطي عهد حاشا ولا بوق
ما افضي بسَدّه عَ المخاليج
لكن مِنْ يلزم فِيْ لِحقوق
ويساعد المظلوم فِيْ الضيج
فوّضت حَقّ الخالج الْ فوق
أمري إلى الله يا مصاديج
لولا الهوى ما ناح «بوطوق»
ولا لعى «الجمري» بتلجليج
لا عاش لا عاشج ومعشوق
سيّد الخوندات الغرانيج