احسن لي أعيش دون أصحاب وحداني
لا ينقص اجري ولا قللت من قدري
ياللي على غيبة الأجواد يحداني
على لحوم البشر ما فوحت قدري
أبويه اللى بقول الصدق وصاني
يقول الى من بنيت فوثق الجدري
واحذر تخاوي مريض القلب جرباني
من عاشر الجرب جاه الجرب والجدري
واحذر تماشي ختول ماله أماني
من صاحب أهل الخيانة دوم ينحدري
مرحوم يا من بعلم الطيب رباني
كنه بعلم الليالي القادمة يدري
والصدق عاده لنا من ورث جداني
ما نعرف الكذب والتلفيق والغدري