لاتدقق فالبشر ياكل فاهم
ماحدٍ معصوم ماعنده خطيّه
لا تقول أني ذكي جداً وعالم
والامور العوج ما تمشي عليّه
عش حياتك بين خلق الله مسالم
والسراير عند علام الخفيّه
لاتبحّث فالنقايص والمثالم
سمّح النيه ترى النيه مطيّه
وابتعد ممن يثيرون الخصايم
وعن دعاة التفرقه والعنصريّه
ماوراهم كسب فود ولا غنايم
الكفو يبعد عن الناس الرديّه
لوقضيت العمر طول الوقت نايم
خير من صحبه عواقبها زريّه
حسن عامر
آل عيسى