أحب حب الحب والقلب مشتاق
مشتاق لك والشوق يسري فكلي
يسري فدمي وسط الأعماق خفاق
حب ٍ شريف النوع ما هو تسلي
أحب حبك يالغلى حب بوثاق
و أتخيلك يا شوق دايم محلي
تشغل غرامي لا وقف لحظه فراق
وترحل بطيفي وين قاصد تحلي
تروي شعوري تملي القلب بأشواق
ودنيا غرامي تلبس السعد وتهلي
مثل غصن ٍ وارف بخضر الأوراق
إن جف نبعك من لي اليوم من لي؟
ألطف بوصلك وأسعد القلب لا ضاق
قربك وبعدك مثل شمس ٍ وظلي