ياللي هديتك م الحروف
أغلى الكلام
وانت مش سائل
ولا حتى بكلمة
فين كلامك يحي
همسات الغرام
فين ودادك يملا قلبي
بأحلى بسمه
بالمح خيالك كل لحظه
ياسلام
وادوق حنانك لما يلمس
قلبي لمسه
واشوف ربيع الحب حتى
في المنام
واشوف عبيرك يتوجد
مع كل نسمة
كل ده شايفه بقلبي
كل ده يسري ف كياني
وانت مش سائل ياروحي
لو تكون انت ف مكاني
كنت احبك حب عمري
كنت اعيش لك مش عشاني
دانت شمس العمر كله
وانت بدري اللي ف زماني
تمسح الضلمه بضيك
واروي نورك من حناني
بس فينك انت مني
وانت خالى ومش فاكرني
طل طله عليا وامشي
أو بكلمة وقوم راسلني
اوعى تحسب رايح اسيبك
أو في يوم تتخلى عني
بكل طيف الحب اجيبك
والتقيك هنا جنب مني
واجمع معاني الحب كله
اعملها غنوه وبيها أغني
انا في انتظار ردك عليا
انا في انتظارك ياهاجرني