ما أبي منك ولاحتى سلام
وما ابي ترجي ولا تبكي كثير
مايرد معزتك شره وملام
ولا يفيد الجد مع طفل ٍ صغير
وفر دموعك على ذاك الكلام
وافهم احساسي ترى بغدرك خبير
كنت اظنك وافي ٍ لي ويا حرام
مادريت ان الوفا عندك ضرير
تصبح او تمسي مع غرورك لزام
تحسب الدنيا على كيفك تسير
رح تذكر من على شانه تهام
من ملك قلبك قبل تصبح كبير
من فدى روحه ومن بكّى الغرام
من جلى همك وسط وقتٍ عسير
انتهى كل شيّ .. وابديت الخصام
ولازعل يسوى على شانك احير
عزتي لنفسي انا مارضى تسام
والله مارجع لك ولو جنه تصير
شوفني اضحك ومن بعدك انام
فارد جناحي ومعى غيرك اطير
ع الغدر بعطيك انا " أكبر وسام "
وع الوفى آسف ( ولا عندك ضمير )