وأنا على أطراف الشفاه راحت بي أفكاري بعيد
نسيت نفسي دونها وأنا اللي موتي دونها
يابوسة الحلوه دخيل ، ماذاب من جمرك جليد
لاتتركيني للعطش والأرض هذي مزونها
عليك / منّك أشتكي الحال والوضع الزهيد
رحماك يا (زحمة عسل) لا بطعمها ولابلونها
يرضيك وأنتي "السكره"،الملح يفنيني وأبيد!؟
وأنا بحر دمعي يجف،لاقلتي :هاوشلونها ؟
وشلونها !؟ بخير لكن،لي طلب عندك وحيد
وأنا على أطراف الشفايف والمنيه ، دونها
والعود ذابل والعطش مابين شريان ووريد
والحال لا سره عدو حالي بكثر غبونها
( بضماك حدي وأشربك وأقول هل لي من مزيد!؟
وإن قلت هل لي من مزيد ردي ، فداك مزونها )